Transcription
1
Monseigneur, le jourd’hyer, XXIX de ce moys, environ l’heure de midy, monsieur
2
de La Thivolyère arrivat en ceste ville, qui nous bailhat une votre lettre
3
et nous treuvat en estat pour nous garder de surprinse, comme il
4
vous faict plus amplemant entandre par sa lettre qu’il vous envoye ;
5
et environ troys heures après sons arrivée, avons receu aultre
6
votre lettre avec ung pacquet adressant aux consulz de Crest,
7
que leur avons faict incontinant tenir par homme exprès.
8
Nous vous remertions très humblement de la bonne souvenance
9
qu’avés heu de nous et vous supplions envoyer votre
10
advis à mondit sieur de La Tivollière pour fère vuider les
11
estrangiers que sont venus en la présente cité, suyvant la lettre qui
12
vous escripvimes ledit jour d’hyer ; et en ce et tout aultre chause
13
qu’il vous plaira nous commander, et ledit sieur de La Tivolyère,
14
obeyrons d’aussi bon cueur comme nous prions Dieu,
15
Monseigneur, vous donner sancté, longue et heureuse vie. De
16
Vallence, ce penultiesme jour du moys d’aoust 1572.
17
Vous très humbles et très obeyssans serviteurs les
18
consulz de Vallence
19
Borye, secretaire
20
Monseigneur, pource que par votredite lettre nous envoyés de
21
donner moyen à mondit sieur de La Thivollière pour son
22
entretenemant, vous plaira nous ordonner combien
23
luy bailherons, et pour sa suyte.